வீணாப்போன வாதங்கள் !

குழு விவாதம் என்று
அழைத்தார்கள் - சென்றேன்
வாழக்கற்றுக்கொள் என்றான் ஒருவன்
வேலையைக் கற்றுக்கொள் என்கிறான் இன்னொருவன்
வாழ்க்கைக்காகத்தான் வேலை
வேலைக்காகத்தான் வாழ்க்கை என்று
எப்படியெல்லாமோ சொல்லிக் குழப்பிக்
கடைசியில்
இரண்டற கலந்ததுதான் வாழ்க்கை என்ற
வாதத்திற்கு வந்தார்கள்
எனக்கு சலிப்பு தட்டிவிட்டது
அடப்போங்கப்பா
ரெண்டும் எங்க இருக்கணுமோ
அங்கேயே இருக்கட்டும்னு சொல்லி
வந்துட்டேன் .