பல்விழும் வயதில் ...

பேத்திகள்
கல்கோனா முட்டாய் சாப்பிட சொன்னதற்க்காய்
சாப்பிட்டு முன்பல் உடைத்துக்கொண்டார் அப்பா .

தாத்தாவிற்கும்
தங்களைப் போல் பல் விழுந்ததில்
பேத்திகளுக்கும் சந்தோசம் .

அப்பாகூட
பல் விழுந்ததை
பெருமையாகத்தான் சொல்லிக்கொண்டார் .

எல்லா நிகழ்வுகளைப்போலவும்
வழக்கம் போல
பெரிதாய் ஒன்றும் காட்டிக்கொள்ளவில்லை அம்மா .


கம்பீரமாகவே பார்த்துப் பழகிவிட்ட அப்பாவை
இப்படி முன்பல்லில்லாமல் பார்க்க
எனக்குத்தான் கொஞ்சம் கஷ்டமாயிருக்கிறது .