விஷம் விரவிய வெளி !

செந்திலுக்கு கிங்க்ஸ்
உதயாவுக்கு என்ன ஆனாலும் கோல்ட் பிளாக்தான்
புகையிலையை சுருட்டிவைத்து இழுப்பான் இன்னொருவன்
மரித்துப்போன சிகரெட் துண்டங்கள்
எந்நேரமும் பார்க்கலாம்
அறை முழுவதும்
சிலநேரம் வாசலுக்கு வெளியிலும் கிடக்கும் ஒன்றிரண்டு
எப்போதாவது சுவாசிக்கலாம் உயிருள்ள காற்றை
இப்படியாயிருக்கையில்
யாரேனும் என்னைக் கேட்டால்
எப்படி சொல்வது ?
புகை பிடிப்பதில்லையென!