கைகாட்டி மர(ன)ம் !

திரும்ப திரும்ப
யோசித்தும் பலனில்லை
எப்போது வாழ்க்கை நழுவியதேன்றோ
வாய்ப்புகள் வரப்புகளாய் மாறியதேன்றோ
யோசித்தும் அறியமுடியவில்லை !

வாலிபம் ஓங்கி - எதிர்
வாகனம் தெரியா அளவுக்கு
வேகத்தில் பாய்ந்த வாழ்க்கை -
அயர்ந்த பொழுதில்
வழுக்கிக்கொண்டு - பிடி
நழுவிக்கொண்டு
விழுந்து தொலைத்தது சாலை ஓரமாய் !

திக்கென்பது தெரியா நிலையிலே
திசைஎன்பதும் புரிய்படாமலே
தேங்கிய நான் - கைகாட்டி மரமாய்
சாலை ஓரமாய் !

கடந்து செல்பவர்களே !
முடிந்தால் , உங்களால் முடிந்தால்
எதிர் வருபவர்க்கு அறிவுறுத்துங்கள்
வாழ்கையில் (ன்) வேகம் ஆபத்தானதென்று !
கைகாட்டி மரமாய் நிற்பதன் வலி
அதுவுமாகி போன பின்பே புரியும்!

வாய்ப்புக்களை வடிகாலாக மாற்றுங்கள்
வரப்புகளாக அல்ல !!
- ஜோ