Friday, June 18, 2010

முற்றுபெறாதவை...



அகாலத்தில்
ஒற்றையாக குரைத்துக்கொண்டிருக்கும்
தெருநாயொன்றின் மீதேறி நகர்கிறது
விழித்திருப்பவனின் இரவு .

அணைந்த விளக்கிலிருந்து
மேலெழும் கரும்புகை
முற்றுபெற்ற துரோகத்தின் நாளொன்றை
நினைவுபடுத்துகிறது .

தொடங்கப்போகும்
பழிதீர்த்தலின் நாளை
ஊதித்தள்ளும் சிகரெட்டின் வெண்புகை
தீர்மானிக்கிறது .

திட்டம்தீட்டும் இரவுகள்
நீளமானவை
முற்றும்பெறாதவை....

13 comments:

VELU.G said...

அருமை அருமை

//தொடங்கப்போகும்
பழிதீர்த்தலின் நாளை
ஊதித்தள்ளும் சிகரெட்டின் வெண்புகை
தீர்மானிக்கிறது .
//

ஹா...ஹா...ஹா super

Unknown said...

"முற்று பெறாதவை" நிறைய யோசிக்க வேண்டி.... ?!

நேசமித்ரன் said...

ஜெனோ

ம்ம் நல்லா இருக்கு ஆனா முதல் பத்தி என்னவோ எஸ்.ராவின் நாவலில் வரும் ஒரு வரி போல இருக்கிறது :)

Thamira said...

நல்லாயிருக்குற மாதிரி இருக்குது. (புரியாததனால்) :-))

பா.ராஜாராம் said...

நல்லாருக்கு ஜெனோ.

கமலேஷ் said...

நண்பா...சரி பார்ம்ல இருக்கீங்க...அருமையா வந்திருக்கு...தொடருங்கள்...வாழ்த்துக்கள்...

மங்குனி அமைச்சர் said...

அருமை

Rajesh kumar said...

அன்பின் ஜோ , கவிதைகள் மிகச்சிறப்பாக உள்ளன, உள்ளவை யாவும் அகவெளியின் இருளை மட்டும் பிரதிபலிக்கின்றன. இதுவும் கடந்துபோம்.. காதறுந்த ஊசியும் வாராதுகாண் கடைவழிக்கே. எது எப்படிஎன்றாலும் நீ இன்னும் உயரங்களுக்குச் செல்வாய். இன்னும் பல படைப்புகளை எதிர்பார்க்கும் நண்பன்
ராஜேஷ்

ஜெனோவா said...

நன்றி வேலு !

நன்றி ஆறுமுகம் !

நன்றி நேசா அண்ணா! ஒருவேளை தாக்கமாக இருக்கலாம் , ஆனால் இரவு இரண்டு மணிக்கு நாய் குரைத்தபோது எதார்த்தமாக எழுதியது , மன்னிக்கவும் ! :)

நன்றி ஆதி சார் !

நன்றி பா. ரா டியர் :)

நன்றி நண்பா ! (இப்போதான பொழுதுகள் இவ்வாறாகத்தான் :( )

நன்றி மங்குனி அமைச்சரே !

நன்றி ராஜேஷ் , விரைவில் பேசவேண்டும் உன்னிடம் .

சேரலாதன் பாலசுப்பிரமணியன் said...

ரசித்தேன் ஜெனோவா

-ப்ரியமுடன்
சேரல்

Marimuthu Murugan said...

நன்று ஜோ...

சுந்தர்ஜி said...

கவிதை மொழி இயல்பாவும் ரசிக்கும்படியும் இருக்கு ஜெனோ.நானும் திருநெல்வேலி சரக்குதான் என் பள்ளி-கல்லூரிக் காலங்களில்.தாமிரவருணியின் வர்ணம்தான் என் மொழியும் கூட.அடிக்கடி சந்திப்போம்.வாழ்த்துக்கள் ஜெனோ.

Gnani said...

kavidha kavidha !!! ka ka po