வெள்ளி உருவிய தடம் !

உறக்கம் வராத
இராத்திரிகளில்
நட்சத்திரங்கள் ரசிப்பது
என் வழக்கம்

கொட்ட கொட்ட விழித்திருக்கும்
வெள்ளிகளுக்கு நடுவே
ஒரு வெள்ளி உருவி ஓடுகிறது
நான் பார்த்துக்கொண்டிருக்கிறேன்

உருவியோடும் வெள்ளிகளை
பார்த்துக்கொண்டிருப்பதால்
மறதி வாய்க்குமென்பதில்
இனி நம்பிக்கையில்லை

வெள்ளியொன்று உருவிச் செல்கிறது
பறவையொன்றும் படபடத்து பறக்கிறது
நான் பார்த்துக்கொண்டிருக்கிறேன்
சட்டென உன்நியாபகமும் வருகிறது !